 |
|
|
|
Communications |
|
|
|
|
|
|
| |
Aktar bozoz energy saving b'xejn lil residenzi fejn jgħixu aktar minn għaxar persuni
|
|
Date:
20/10/2009
Il-Ministru għar-Riżorsi u l-Affarijiet Rurali, l-Onor. George Pullicino, ħabbar waqt żjara li għamel fid-Dar għat-Tfal f’Tas-Sliema, immexxija mis-Sorijiet tal-Ursolini, li d-djar fejn joqgħodu aktar minn għaxar persuni, nklużi djar immexxija fuq bażi volontarja bħal istituti u kunventi fost oħrajn, se jingħataw allokazzjoni akbar ta’ bozoz energy saving b’xejn.
Il-Gvern, konxju mill-bżonnijiet ta’ dawn l-organizzazzjonijiet, ħass li jkun opportun li jsir aġġustament biex dawn id-djar jingħatawlhom vouchers addizzjonali li jintitolawhom għal vouchers ta’ għaxar bozoz għal kull għaxar residenti f’dar partikolari.
Il-Ministru George Pullicino sostna li l-Gvern ħass li għandu jaġġusta din l-iskema biex tkompli tiżdiet l-għajnuna ħalli jitnaqqas il-konsum tal-enerġija u jitħares l-ambjent.
Originarjament permezz tan-Notifika tal-Gvern, pubblikata f’Marzu ta’ din is-sena, ħafna minn dawn id-djar ingħataw l-allokazzjoni massima ta’ 10 bozoz, l-istess ammont li rċevew familji li jikkonsistu f’familja ta’ ħames persuni jew aktar.
Jakkumpanja lill-Ministru Pullicino fiż-żjara tiegħu kien hemm ukoll s-Sur Anthony Rizzo, Chief Executive tal-Awtorita’ Maltija ghar-Rizorsi.
L-iskema tal-bozoz energy saving tagħlaq fil-31 ta’ Ottubru, 2009. Għal aktar informazzjoni wieħed jista’ jċempel fuq Freephone 80072212. |
|
|
|
| |
|
|
|
|
 |
|
|
|
|
|
 |
|
|
|
|
